Hyka, mjafton një muaj për të pushtuar Mainzin

Ka vetëm një muaj që ka nënshkruar për skuadrën gjermane të Mainzit dhe disa ditë që ka nisur seancat stërvitore me këtë skuadër, por e ndjen veten tamam si të jetë në shtëpi duke pasur njëkohësisht edhe përkrahjen e tifozerisë së kësaj skuadre. Është bërë aq i dashur për tifozët e këtij klubi, sa mijëra prej tyre e ndjekin çdo ditë në stërvitje dhe kërkojnë gjithmonë autografe dhe të pozojnë me të. Tashmë, mezi presin që ta shohin në ndeshjet e kampionatit që do të startojë në gusht dhe jetojnë me shpresën se kjo skuadër do të ngjitet në Bundesligën 1. Jahmir Hyka ka filluar të driblojë.